2024ལོའི་ཟླ་2ཚེས་2ཉིན།
མི་དམངས་དྲ་བ།
ཤིན་ཧྭ་གསར་འགྱུར་ཁང་ལུས་རྩལ་པུས།
༄༅།།2023ལོའི་ཀྲུང་གོའི་ལུས་རྩལ་པ་རྩེ་གྲ་བཅུ་བདམས་པ།
གསར་འགྱུར་སྤེལ་དུས། 【2024ལོའི་ཟླ་ 01ཚེས་03ཉིན། 09:49】 （རྩོམ་སྒྲིག་འགན་འཁུར་པ། མཁའ་འགྲོ།）
 |
| ཏུང་ཧུང་ཅོན། （བུད་མེད། ལོ་43 རི་འཛེགས） 2023ལོའི་ཟླ་4ཚེས་26ཉིན་ཀྲུང་གོའི་རི་འཛེགས་པ་ཏུང་ཧུང་ཅོན་གྱིས་ས་བབ་མཐོ་ཚད་སྨི་8027ཟིན་པའི་ཤི་ཤ་སྦང་མའི་རྩེ་མོར་འཛེགས་པ་རེད། རྒྱལ་སྤྱིའི་རི་འཛེགས་ཁས་ལེན་དྲ་ཚིགས་8000ers.comཡིས་གཏན་འཁེལ་བྱས་པ་བརྒྱུད། ཏུང་ཧུང་ཅོན་གོ་ལ་ཧྲིལ་པོའི་ས་བབ་མཐོ་ཚད་སྨི་8000ཟིན་པའི་རི་14ཚང་མའི་རྩེར་འཛེགས་མྱོང་བའི་བུད་མེད་དང་པོ་དེར་གྱུར་བ་རེད། |
 |
| ཆིན་ཧའེ་ཡང་། （སྐྱེས་པ། ལོ་24 ཆུ་རྐྱལ） 2023ལོའི་ཟླ་7པར་གཉེར་བའི་ཧྥུའུ་ཀང་ཆུ་རྐྱལ་འཛམ་གླིང་ལེགས་སྐྱེས་འགྲན་བསྡུར་ཁྲོད་ཆིན་ཧའེ་ཡང་གིས་སྐྱེས་པའི་སྨི་50དང་། སྨི་100 སྨི་200བཅས་ཀྱི་སྦལ་རྐྱལ་གྱི་གསེར་གྱི་རྟགས་མ་3བླངས་པ་རེད། ཁོང་གིས་ད་དུང་ཁྲེང་ཏུའུ་འཛམ་གླིང་སློབ་གྲྭ་ཆེ་མོ་བའི་ལུས་རྩལ་འགྲན་ཚོགས་ལ་གསེར་གྱི་རྟགས་མ་5བླངས་པ་དང་། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ལ་རིན་ཐང་ཆེ་ཤོས་ལྡན་པའི་ལུས་རྩལ་པའི（MVP）མཚན་སྙན་ཐོབ་པ། ཆུ་རྐྱལ་འཛམ་གླིང་བུམ་པའི་ཁྲོད་འཛམ་གླིང་བུམ་པའི་ལོ་འཁོར་གྱི་ཨང་དང་པོ་བསྟུད་མར་བླངས་པ་རེད། |
 |
| ཞེ་ཀྲེན་ཡེ། （སྐྱེས་པ། ལོ་30 མཆོང་རྒྱུག་འཕེན་གསུམ） ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ལ་ཞེ་ཀྲེན་ཡེ་ཡིས་སྐར་ཆ་9.97གྱི་གྲུབ་འབྲས་ཀྱིས་སྐྱེས་པའི་སྨི་100ཡི་ཨང་དང་པོ་བླངས་པ་རེད། 2023ལོའི་ཟླ་10ཚེས་4ཉིན་གྱི་དགོང་མོ་ཁོང་གིས་ད་དུང་རུ་གྲོགས་དང་མཉམ་དུ་ཐོ་ཁེའོ་ཨོ་རྩལ་འགྲན་ཚོགས་ཀྱི་སྐྱེས་པའི་4×སྨི་100ཡི་མཐུད་རྒྱུག་གི་ཟངས་ཀྱི་རྟགས་མ་བླངས་པ་རེད། རིམ་གསབ་བྱས་ནས་ཐོབ་པའི་ཟངས་ཀྱི་རྟགས་མ་དེ་ནི་ཀྲུང་གོའི་སྐྱེས་པའི་4×སྨི་100ཡི་མཐུད་རྒྱུག་རུ་ཁག་ལ་ཨོ་རྩལ་འགྲན་ཚོགས་ལ་ཐོབ་པའི་བྱ་དགའི་རྟགས་མ་དང་པོ་དེ་རེད། |
